TÜRKMENISTANDA SAÝLAWLARY
WE SALA SALŞYKLARY GEÇIRMEK
BOÝUNÇA MERKEZI TOPAR
Türkmenistanda Saýlawlary we sala salşyklary geçirmek boýunça merkezi toparyň wekilleri 2024-nji ýylyň 27-nji oktýabrynda geçirilen Özbegistan Respublikasynyň Kanun çykaryjy palatasy bolan Oliý Mejlisiniň saýlawlaryna Garaşsyz Döwletleriň Arkalaşygyna (GDA) agza döwletlerden düzülen halkara synçylar wekiliýetiniň düzüminde Türkmenistan döwletinden halkara synçy bolup gatnaşdylar.
Merkezi saýlaw toparynyň wekilleri Özbegistan Respublikasynyň saýlaw ulgamynyň işi, saýlawlar hakyndaky kanunçylygy bilen tanyşdylar we saýlaw uçastoklarynda ses bermegiň geçirilişine syn etdiler. Şeýle-de, olar Özbegistan Respublikasynyň Merkezi saýlaw toparynyň başlygy Z.M.Nizamhojaýewiň halkara we daşary ýurtly synçylar üçin geçiren brifingine hem gatnaşdylar.
Saýlawlara taýýarlyk görmek we ony geçirmek işlerini Özbegistan Respublikasynyň Merkezi saýlaw topary we beýleki degişli saýlaw toparlary amala aşyrdylar.
Özbegistan Respublikasynyň Oliý Mejlisiniň saýlawlary boýunça ses bermegi geçirmek üçin ýurt boýunça saýlaw uçastoklarynyň 11085-si (şol sanda 57-si daşary ýurtlarda) döredildi. Ýeri gelende aýtsak, şu gezekki geçirilen saýlawlarda käbir saýlaw uçastoklarynda ilkinji gezek elektron görnüşde ses bermegi synag edildi. Saýlawlar güni saýlaw uçastoklarynda ses bermek sagat 08:00-dan 20:00-a çenli geçirildi we umumy hasaba alnan saýlawçylardan 74,72 göterimi ses bermäge gatnaşdy.
Özbegistan Respublikasynyň saýlaw kanunçylygyna görä, bu geçirilen saýlawlar ilkinji gezek garyşyk, ýagny mažoritar we proporsional saýlaw ulgamy esasynda geçirildi. Oliý mejlisiniň 150 deputatynyň 75-si mažoritar saýlaw ulgamynyň bir mandatly we beýleki 75-si proporsional saýlaw ulgamynyň köp mandatly saýlaw okrugy boýunça saýlandy.
Türkmenistanyň Merkezi saýlaw toparynyň wekilleri 2024-nji ýylyň 27-nji oktýabrynda Özbegistan Respublikasynyň Merkezi saýlaw toparynyň başlygy Z.M.Nizamhojaýew bilen duşuşdylar. Şeýle hem şol gün wekillerimiz ses bermek tamamlanandan soňra, Garaşsyz Döwletleriň Arkalaşygynyň Baş sekretary S.N.Lebedewiň ýolbaşçylygynda geçirilen GDA gatnaşyjy döwletleriň wekiliýetleriniň ýolbaşçylarynyň geňeşine-de gatnaşdylar.
Bilşimiz ýaly, 2024-nji ýylyň 18-19-njy dekabrynda hormatly Prezidentimiz Serdar Berdimuhamedow Malaýziýanyň Premýer-ministri Anwar Ibrahimiň çakylygy boýunça dostlukly ýurt bolan Malaýziýa resmi sapa...
2024-nji ýylyň 9-10-njy dekabrynda Türkmenistanyň Merkezi saýlaw toparynyň edarasynda, Türkmenistanda Saýlawlary we sala salşyklary geçirmek boýunça merkezi topar bilen Birleşen Milletler Guramasynyň...
Berkarar döwletiň täze eýýamynyň Galkynyşy döwrüniň her ýyly şanly wakalara, uly üstünliklere beslenip, şöhratly taryhymyzyň zerbap sahypalarynda öçmejek yz goýýar. Bilşimiz ýaly, Türkmen halkynyň Mil...
2024-nji ýylyň 4-nji dekabrynda Türkmenistanda Saýlawlary we sala salşyklary geçirmek boýunça merkezi toparyň edarasynda paýtagtymyza iş sapary bilen gelen Ýewropanyň täzeleniş we ösüş bankynyň wise-p...
Bilşimiz ýaly, 2024-nji ýylyň 29-njy noýabrynda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow dostlukly ýurt bolan Wengriýa iş saparyny amala aşy...
Arkadagly Gahryman Serdarymyzyň dünýäde ykrar edilýän ynsanperwer, pähim-parasatly syýasaty esasynda, Berkarar döwletiň täze eýýamynyň Galkynyşy döwründe ýurdumyzda saýlaw ulgamynyň işi yzygiderli käm...
Arkadagly Gahryman Serdarymyzyň parasatly ýolbaşçylygynda Berkarar döwletiň täze eýýamynyň Galkynyşy döwründe ýurdumyzy bagy-bossanlyga öwürmek döwlet syýasatynyň ileri tutulýan ugruna öwrüldi. Güneşl...
Türkmenistanda Saýlawlary we sala salşyklary geçirmek boýunça merkezi toparyň wekilleri 2024-nji ýylyň 27-nji oktýabrynda geçirilen Özbegistan Respublikasynyň Kanun çykaryjy palatasy bolan Oliý Mejlis...