TÜRKMENISTANDA SAÝLAWLARY
WE SALA SALŞYKLARY GEÇIRMEK
BOÝUNÇA MERKEZI TOPAR

21 Maý

Türkmenistanda Mejlisiň deputatlarynyň, halk maslahatlarynyň hem-de Geňeşleriň çykyp giden agzalarynyň ýerine saýlawlar geçirildi

Ýurdumyzda Mejlisiň çykyp giden deputatlarynyň ýerine aýry-aýry saýlaw okruglary boýunça, şeýle hem halk maslahatlarynyň agzalarynyň, welaýatlaryň dolandyryş-çäk gurluşynyň üýtgemegi bilen baglylykda Geňeşleriň agzalarynyň saýlawlary geçirildi.

Şu gün ir sagat 7-de açylan bu örän möhüm jemgyýetçilik-syýasy çärä doly taýýar edilen Türkmenistanyň ähli saýlaw uçastoklarynda Döwlet senasynyň owazy astynda dabaraly ruhubelentlik ýagdaýy emele geldi. Şu gün ilkinji gezek ses bermäge gatnaşýan ýaş saýlawçylara hormatly ýaşulular saýlaw toparlarynyň agzalary bilen bilelikde ýadygärlik sowgatlary gowşurdylar.

Bu çäräniň geçirilişine gözegçiligi amala aşyrýan synçylaryň belleýşi ýaly, saýlawlar hormatly Prezidentimiz Gurbanguly Berdimuhamedowyň alyp barýan oňyn syýasatyny durmuşa geçirmegiň hem-de türkmen jemgyýetiniň demokratik binýatlaryny pugtalandyrmagyň ýolundaky möhüm ädim boldy. Bu jemgyýetçilik-syýasy çäre türkmenistanlylaryň ýurdumyzyň we halkymyzyň röwşen geljeginiň bähbidine döwlet işlerine işjeň gatnaşýandyklaryny aýdyň görkezdi.

Öz saýlawçylaryna milli parlamentde hem-de ýerli öz-özüňi dolandyryş edaralarynda wekilçilik etmek hukugyna ildeşlerimiziň uly hormatyndan hem-de ynamyndan peýdalanýan iň mynasyp raýatlar dalaş edýärler. Dalaşgärleriň hatarynda oba zähmetkeşleri, döwlet edaralarynyň wekilleri, dürli pudaklaryň esasy hünärmenleri, ykdysadyýet, bilim, ylym, medeniýet, saglygy goraýyş ulgamlarynyň işgärleri, syýasy partiýalaryň, jemgyýetçilik guramalarynyň we birleşikleriniň wekilleri bar. Mejlisiň deputatlarynyň, halk maslahatlarynyň agzalarynyň hem-de Geňeş agzalarynyň her bir ornuna syýasy partiýalardan we raýatlar toparlaryndan birnäçe dalaşgär bellige alyndy — şeýlelikde, şu günki saýlawlar, öňki geçirilen saýlawlar ýaly, giň bäsdeşlik, demokratiýa we aýanlyk ýagdaýynda geçdi.

Türkmenistanda Saýlawlary we sala salşyklary geçirmek baradaky Merkezi toparyň maglumatlaryna görä, ses bermek üçin bellenilen wagtda saýlaw okruglarynyň çäklerinde ähli saýlaw uçastoklary bir wagtda açyldy. Aşgabat şäherinde saýlaw uçastoklarynyň 21-si, Ahal welaýatynda 40-sy, Balkan welaýatynda 11-si, Daşoguz welaýatynda 59-sy, Lebap welaýatynda 31-si, Mary welaýatynda 93-si açyldy.

Türkmenistanyň Mejlisiň deputatlarynyň saýlawlary boýunça Aşgabat şäheriniň 7-nji “Güneş” saýlaw okrugy boýunça hem-de Mary welaýatynyň 106-njy “Wekil” saýlaw okrugy boýunça saýlawçylaryň 58 müň 393-si bellige alyndy.

Welaýat, etrap, şäher halk maslahatlarynyň hem-de Geňeşleriň agzalarynyň saýlawlary boýunça uçastok saýlaw toparlary tarapyndan 175 müň 521 saýlawçy bellige alyndy.

Saýlawlaryň geçirilişine milli synçylar gözegçiligi amala aşyrdylar, olar ähli saýlaw uçastoklarynda boldular. Synçylaryň baha bermegine görä, saýlawlar bäsdeşlik we demokratik esasda, ýurdumyzda hereket edýän kanunçylyga hem-de halkara hukugyň umumy ykrar edilen kadalaryna berk laýyklykda geçirildi.

Türkmenistanda Saýlawlary we sala salşyklary geçirmek baradaky Merkezi toparyň maglumatlaryna görä, saýlaw uçastoklarynyň ýapylýan wagtyna — sagat 19-a çenli Mejlisiň deputatlarynyň saýlawlaryna saýlawçylaryň 91,02 göterimi, welaýat, etrap, şäher halk maslahatlarynyň hem-de Geňeşleriň agzalarynyň saýlawlaryna saýlawçylaryň 90,91 göterimi gatnaşdy.

Merkezi saýlaw topary tarapyndan yglan edilen maglumatlara görä, saýlawlar geçirildi diýlip hasap edildi.

Saýlaw uçastoklary ýapylandan soňra, sesler sanalyp başlanyldy. Saýlaw kodeksiniň düzgünlerine laýyklykda, ses bermegiň jemleri ýakyn wagtda yglan ediler.

28 Few
Saýlaw ulgamynda halkara hyzmatdaşlygy

Türkmenistanda Saýlawlary we sala salşyklary geçirmek boýunça merkezi toparyň wekilleri 2024-nji ýylyň 25-nji fewralynda geçirilen Belarus Respublikasynyň Milli ýygnagynyň wekilçilikli palatasynyň dep...

26 Few
Birleşen Milletler Guramasynyň Ösüş maksatnamasy bilen Saýlaw ulgamyndaky hyzmatdaşlyk

Mälim bolşy ýaly, 2024-nji ýylyň 18-nji fewralynda Türkmenistanyň Daşary işler ministrliginde Türkmenistanyň ministrlikleriniň, pudaklaýyn dolandyryş edaralarynyň, jemgyýetçilik guramalarynyň we Birle...

09 Few
Saýlaw ulgamynda halkara hyzmatdaşlygy

Türkmenistanda Saýlawlary we sala salşyklary geçirmek boýunça merkezi toparyň wekilleri 2024-nji ýylyň 7-nji fewralynda geçirilen Azerbaýjan Respublikasynyň Prezidentiniň nobatdan daşary saýlawlaryna...

09 Few
Türkmenistan bilen Azerbaýjan Respublikasynyň arasyndaky doganlyk gatnaşyklar

Bilşimiz ýaly, 2024-nji ýylyň 7-nji fewralynda Azerbaýjan Respublikasynyň Prezidentiniň nobatdan daşary saýlawlary geçirildi. Şunuň bilen baglylykda, hormatly Prezidentimiz Serdar Berdimuhamedow Azerb...

23 Ýan
Halkymyzyň milli buýsanjy dünýäde dabaralanýar

Mälim bolşy ýaly, 20-nji ýanwarda türkmen halkynyň Milli Lideri, Türkmenistanyň Halk Maslahatynyň Başlygy, Hormatly il ýaşulusy Gurbanguly Berdimuhamedow Köpetdagyň etegindäki gözel künjekleriň birind...

02 Ýan
2024-nji ýyl «Pähim-paýhas ummany Magtymguly Pyragy» ýyly

Berkarar döwletiň täze eýýamynyň Galkynyşy döwründe hormatly Prezidentimiz Serdar Berdimuhamedowyň parasatly baştutanlygynda, Gahryman Arkadagymyzyň başlangyjy bilen ýurdumyzda döwrüň talaplaryna we m...

27 Dek
GDA-nyň döwlet Baştutanlarynyň resmi däl sammiti

Bilşimiz ýaly, 2023-nji ýylyň 26-njy dekabrynda hormatly Prezidentimiz Serdar Berdimuhamedow dostlukly ýurt bolan Russiýa Federasiýasyna iş saparyny amala aşyrdy. Hormatly Prezidentimiz Sankt-Peterbur...

26 Dek
Welaýat saýlaw toparynyň düzümine üýtgetme girizildi

Türkmenistanyň Saýlaw kodeksiniň 18-nji, 19-njy, 26-njy maddalaryna laýyklykda, Mary welaýatynyň saýlaw toparynyň düzüminden bir agzanyň çykyp gidenligi sebäpli hem-de Türkmenistanyň Demokratik partiý...