TÜRKMENISTANDA SAÝLAWLARY
WE SALA SALŞYKLARY GEÇIRMEK
BARADAKY MERKEZI TOPAR

25 Ýan

Türkmenistanda GDA-nyň synçylar topary işe başlady

Türkmenistanda Garaşsyz Döwletleriň Arkalaşygyndan bolan synçylar topary işe başlady. Olar 12-nji fewralda geçirilýän Türkmenistanyň Prezidentiniň saýlawlary bilen baglylykda türkmen tarapynyň çakylygy boýunça paýtagtymyza geldiler.

Mälim bolşy ýaly, ozal ýurdumyza Ýewropa döwletlerinden we abraýly halkara guramalaryndan, şol sanda ŞHG-den we ÝHHG-den synçylar çagyryldy. Olara degişli hukuk kadalary bilen kesgitlenen ygtyýarlyklarynyň çäklerinde saýlawlaryň öňýanyndaky möwsümiň barşyna hem-de saýlawlaryň geçiriljek güni ses berlişine syn etmek mümkinçiligi dörediler. Synçylaryň hatarynda Türkmenistana ilkinji bolup GDA-nyň wekiliýeti geldi. Oňa GDA-nyň Ýerine ýetiriji komitetiiň Başlygynyň-Ýerine ýetiriji sekretarynyň birinji orunbasary Wiktor Guminskiý ýolbaşçylyk edýär.

Saýlawlary we sala salşyklary geçirmek baradaky Merkezi toparda geçirilen duşuşygyň barşynda degişli şahsyýetnamalar gowşuryldy. Myhmanlar Merkezi saýlaw toparynyň bellän çäreleriniň meýilnamasy, saýlaw toparlarynyň düzümi, saýlaw resminamalarynyň nusgalary, umuman, ýerlerde geçirilen işler bilen tanyşdyryldy.

Duşuşygyň barşynda bellenilişi ýaly, Türkmenistanyň täze kabul edilen Saýlaw kodeksinde hereket edýän halkara kadalarynyň esasy ýörelgeleri—ählumumy saýlaw hukugy, raýatlaryň bäsleşik esasynda geçirilýän saýlawlara meýletin gatnaşmagy, ähli görkezilen dalaşgärler üçin deň mümkinçilikleriň döredilmegi, saýlaw möwsüminiň barşynda 
wagyz-nesihat işleriniň erkinligi, raýatlaryň saýlaw hukuklarynyň goralmagy, aýdyňlyk we açyklyk ýaly ýörelgeler berkidildi.

Halkara synçylaryň öňde boljak jemgyýetçilik-syýasy 
çärä--Türkmenistanyň Prezidentiniň saýlawlaryna gatnaşmagynyň möhümdigi barada aýtmak bilen, olaryň işlemegi üçin saýlaw möwsümine syn etmek, şol sanda ýokary döwlet wezipesine dalaşgärleriň ynanylan wekilleri bilen duşuşmak üçin zerur bolan ähli şertleriň döredilendigi aýratyn bellenildi. Hususan-da, Merkezi saýlaw toparynyň ýardam etmeginde zerur guramaçylyk tehnikalary we aragatnaşyk bilen üpjün edilen Missiýanyň ştaby açyldy.

Missiýanyň işgärleriniň wezipe borçlaryna synçylaryň işlemegine ýardam etmek, guramaçylyk meselelerini çözmek, sebitler boýunça olary bölmek hem-de Türkmenistanyň Prezidentiniň saýlawlarynyň geçirilýän güni olaryň işiniň tertibini kesgitlemek, hasabatlarynyň nusgalaryny we seljermelerini taýýarlamak, beýleki toparlar bilen iş gatnaşyklaryny ýola goýmak işleri girýär.

W.Guminskiniň belleýşi ýaly, GDA-nyň Synçylar topary öz işini döwletiň içerki işlerine gatyşmazdan, umumylykda kabul edilen halkara kadalarynyň esasynda amala aşyrar. Missiýanyň wezipesi erkin we demokratik saýlawlaryň geçirilmegine ýardam etmek bolup durýar.

20 Maý
Doganlyk—dostlugyň nyşany

Mälim bolşy ýaly, hormatly Prezidentimiziň  rugsat bermegi bilen, Türkmenistanyň Milli Ge­ňeşiniň Halk Maslahatynyň Başlygy Gurbanguly Berdimuhamedowyň ýolbaşçylygynda Türkmenistanyň degişli wekiliýet...

20 Maý
Dostluk gatnaşyklary dabaralanýar

Şu ýylyň 19-njy maýynda hormatly Prezidentimiziň sanly ulgam arkaly geçiren Ministrler Kabinetiniň mej­li­sin­de Russiýa Federasiýasyndan gelip gowşan hoş habar mälim edildi. Habarda hormatly Preziden...

06 Maý
Manyly ömrüň kämil menzilleri

Ber­ka­rar döw­le­tiň tä­ze eýýa­my­nyň Gal­ky­ny­şy döw­rün­de hor­mat­ly Pre­zi­den­ti­mi­ziň pa­rasat­ly baş­tu­tan­ly­gyn­da mil­li gymmat­lyk­la­ry­my­za   aý­ra­tyn sar­pa go­ýul­ýar. Bilşimi...

26 Apr
Türki Döwletleriň Guramasynyň halkara synçylar toparynyň beýannamasy

Bilşimiz ýaly, 2022-nji ýylyň 12-nji martynda geçirilen Türkmenistanyň Prezidentiniň saýlawlaryna halkara synçylar toparlary syn etmäge gatnaşdylar. Şolaryň hatarynda, Türki Döwletleriň Guramasynyň Ba...

19 Apr
GDA-nyň synçylar topary Türkmenistanyň Prezidentiniň saýlawlaryna ýokary baha berdi

Mälim bolşy ýaly, 2022-nji ýylyň 12-nji martynda ýurdumyzda Türkmenistanyň Prezidentiniň saýlawlary  geçirildi. Saýlawlara taýýarlyk görülýän we ses berilýän günler halkara jemgyýetçiliginiň synçy naz...

31 Mart
Döwlet gullugy akademiýasynyň diňleýjileri önümçilik tejribesinde

Hormatly     Prezidentimiziň    parasatly    baştutanlygynda, halkymyz Berkarar döwletiň täze eýýamynyň Galkynyşy döwrüni uly ruhubelentlik bilen garşylap, has belent maksatlary, iň nurana arzuw-umytl...

29 Mart
Halkara guramalary Türkmenistanyň Prezidentiniň saýlawlary barada

2022-nji ýylyň 12-nji martynda Türkmenistanyň Prezidentiniň saýlawlary geçirildi. Saýlawlara taýýarlyk görülýän we ses berilýän günler halkara jemgyýetçiliginiň synçy nazary Türkmenistana gönükdi....

15 Mart
Prezident saýlawlarynyň jemleri

2022-nji ýylyň 12-nji martynda möhüm jemgyýetçilik-syýasy çäre – Türkmenistanyň Prezidentiniň saýlawlary guramaçylykly, toý-dabara, şatlyk-şowhun bilen we ruhubelentlikde geçirildi. Saýlawlar güni sag...