TÜRKMENISTANDA SAÝLAWLARY
WE SALA SALŞYKLARY GEÇIRMEK
BOÝUNÇA MERKEZI TOPAR

01 Few

Durdugylyç Orazow Daşoguz welaýatynyň saýlawçylaryny saýlawlaryň öň ýanyndaky maksatnamasy bilen tanyşdyrdy

Şu gün Daşoguz welaýatynyň döwlet drama teatrynda Türkmenistanyň Prezidentligine dalaşgär – Agrar partiýanyň Mary welaýat komitetiniň başlygy Durdugylyç Orazow bilen ýurdumyzyň demirgazyk welaýatynyň saýlawçylarynyň duşuşygy boldy.

Duşuşygyň başynda dalaşgäriň ynanylan wekiline söz berildi. Ol özüni oňat guramaçy we ökde hünärmen hökmünde tanadan, bilim ulgamynda we oba hojalyk pudagynda uly iş tejribesi bolan ak ýürekli adam hökmünde häsiýetlendirilýän D.Orazowyň zähmet ýoly bilen ýygnananlary tanyşdyrdy.

Soňra çykyş eden D.Orazow agrar partiýanyň wekillerine özüni ýokary döwlet wezipesine hödürlänleri üçin uly hoşallyk bildirdi hem-de ýygnananlara özüniň saýlawlaryň öňüsyrasyndaky maksatnamasynyň esasy ugurlaryny beýan etdi.

Hususan-da, ol häzirki we geljekki nesilleriň bähbidine ýurdumyzyň ägirt uly tebigy we ykdysady kuwwatyny netijeli peýdalanmak üçin uly işleri durmuşa geçirmegi maksat edinýär. Ileri tutulýan ugurlaryň hatarynda milli ykdysadyýeti ösdürmek, azyk howpsuzlygyny, durnuklylygy we ýurtda abadançylygy pugtalandyrmak, demokratik hukuk we dünýewi döwletimiziň kanunçylyk binýadyny kämilleşdirmek görkezildi. Parahatçylyk, durnuklylyk we agzybirlik dostlukly gatnaşyklaryň hemişe sarpasyny tutan halkymyzyň gadymdan gelýän ýörelgeleri bolup durýar. Meniň maksadym bu gatnaşyklary ösdürmäge we kämilleşdirmäge öz goşandymy goşmakdan ybarat diýip, dalaşgär aýtdy.

Ýurdumyzyň obasenagat toplumynyň mundan beýläk hem ösdürilmegine gönükdirilen wezipeleri durmuşa geçirmäge hem-de bu işde Agrar partiýanyň eýeleýän ornuna uly üns berildi. Şeýle wezipeleriň hatarynda ýerlerdäki ilatyň ýaşaýşynyň ýokary derejesini üpjün etmek üçin zerur düzümleri döretmek, oba hojalyk önümçiligini ösdürmek, azyk howpsuzlygyny üpjün etmek, oba hojalyk önümlerini gaýtadan işlemek boýunça senagat, ýurdumyzyň toprak-howa şertlerini hasaba almak bilen oba hojalyk ekinleriniň täze ýokary hasylly tohumlaryny ornaşdyrmak boýunça ylmy taýdan esaslandyrylan işleriň netijelliligini ýokarlandyrmak, şeýle hem hususy ulgamy, şol sanda kiçi we orta kärhanalary ösdürmek görkezildi.

Soňra D.Orazow saýlawçylaryň durmuş ýeňillikleri, welaýatyň oba hojalyk ulgamyny ösdürmegiň geljegi, suwdan peýdalanmak, şeýle hem bilim ulgamy we welaýatda sport hereketlerine degişli sowallaryna jogap berdi.

Dalaşgär türkmen atçylyk sportuny mundan beýläk hem ösdürmek hem-de onuň halkara derejesindäki eýeleýän ornuny pugtalandyrmak, behişdi bedewlerimiziň abraýyny ýokary götermek hem-de türkmen halkynyň milli baýlygy we buýsanjy bolup durýan ahalteke atlarynyň tohumynyň arassalygyny saklamak üçin gujur-gaýratyny gaýgyrmajakdygyna ynandyrdy.

Duşuşyga gatnaşanlara özüni üns berip diňländikleri üçin tüýs ýürekden hoşallyk bildirip, Türkmenistanyň Prezidentligine dalaşgär olary milli demokratiýanyň ýörelgelerine eýerip, saýlawlary ýokary guramaçylyk derejesinde geçirmäge, saýlawçylaryň ýokary gatnaşygyny üpjün edip, dalaşgärleriň iň mynasybyny saýlamaga çagyrdy.

28 Noý
Täze belentlikleri nazarlaýan türkmen-gazak hyzmatdaşlygy pugtalandyrylýar

Bilşimiz ýaly, 2025-nji ýylyň 24-25-nji noýabrynda hormatly Prezidentimiz Serdar Berdimuhamedow goňşy ýurt bolan Gazagystan Respublikasyna döwlet saparyny amala aşyrdy. Türkmenistan bilen Gazagysta...

20 Noý
Saýlaw ulgamynda halkara tejribesi öwrenilýär

Hormatly Prezidentiniň parasatly baştutanlygynda ýurdumyzyň abraýly halkara guramalary bilen hyzmatdaşlygynyň gerimi barha giňeýär. Hormatly Prezidentimiziň rugsat bermegi esasynda hem-de saýlawlary g...

10 Noý
«Merkezi Aziýa — ABŞ» formatyndaky sammit

Bilşimiz ýaly, 2025-nji ýylyň 4-7-nji noýabry aralygynda hormatly Prezidentimiz Serdar Berdimuhamedow Amerikanyň Birleşen Ştatlaryna iş saparyny amala aşyrdy. Hormatly Prezidentimiz ABŞ-nyň Prezidenti...

05 Noý
Hormatly Prezidentimiz möhüm desgalaryň düýbüni tutmak we açylyş dabaralaryna gatnaşdy

Bilşimiz ýaly, 2025-nji ýylyň 2-nji noýabrynda hormatly Prezidentimiz Serdar Berdimuhamedow Balkan welaýatyna iş saparyny amala aşyrdy. Arkadagly Gahryman Serdarymyz Türkmenbaşy etrabynyň çäginde kuww...

28 Okt
Türkmenistan — Italiýa: özara bähbitli hyzmatdaşlygyň täze tapgyry

Bilşimiz ýaly, 2025-nji ýylyň 24-25-nji oktýabrynda hormatly Prezidentimiz Serdar Berdimuhamedow Italiýanyň Prezidenti Serjio Mattarellanyň çakylygy boýunça dostlukly ýurt bolan Italiýa Respublikasyna...

21 Okt
TOPH gaz geçiriji taslamanyň Serhetabat — Hyrat tapgyryna badalga berildi

Mälim boşy ýaly, 2025-nji ýylyň 20-nji oktýabrynda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Türkmenistan — Owganystan — Pakistan — Hindistan ga...

20 Okt
Birleşen Milletler Guramasyndan gelen hoş habar

2025-nji ýylyň 17-nji oktýabrynda hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Mejlisiň dowamynda hormatly Prezidentimize Amerika...

16 Okt
Täze önümçilik desgasynyň düýbi tutuldy

Bilşimiz ýaly, 2025-nji ýylyň 15-nji okt­ýabrynda hormatly Prezidentimiz Serdar Berdimuhamedow Türkmenabat şäherindäki S.A.Nyýazow adyndaky himiýa zawodynda mineral dökünleri öndürýän toplumyň gurluşy...