CENTRAL COMMISSION FOR HOLDING ELECTIONS AND REFERENDUMS IN TURKMENISTAN
Berkarar döwletiň täze eýýamynyň Galkynyşy döwründe ýurdumyzy senagatlaşdyrmak, ýerli çig malyň esasynda öndürilýän önümçilikleriň gerimini giňeltmek Gahryman Arkadagymyz tarapyndan başy başlanyp, häzirki wagtda hormatly Prezidentimiziň baştutanlygynda üstünlikli durmuşa geçirilýän döwlet strategiýasynyň möhüm ugurlarynyň biridir. Şunda öndürilýän önümleriň bäsdeşlige ukyplylygyny ýokarlandyrmaga, önümçiligiň ylmy-tehniki binýadyny pugtalandyrmaga uly ähmiýet berilýär. Bu işleriň oňyn netijeleri bolsa täze önümçilik toplumlarynyň döremegine, importyň ornuny tutýan harytlaryň öndürilişiniň möçberini artdyrmaga ýardam berýär.
Munuň şeýledigine şanly Garaşsyzlygymyzyň 34 ýyllyk baýramynyň öňüsyrasynda, 8-nji sentýabrda hormatly Prezidentimiz Serdar Berdimuhamedowyň gatnaşmagynda paýtagtymyzyň demirgazygyndaky senagat toplumynyň çäginde ýerleşýän çüýşe önümlerini öndürýän önümhananyň dabaraly ýagdaýda açylyp, işe girizilmegi hem aýdyň şaýatlyk edýär. Bir gije-gündiziň dowamynda 100 tonna önüm öndürmäge niýetlenen kärhana ýurdumyzyň senagat ähmiýetli önümçilik desgalarynyň üstüni ýetirmek bilen, milli ykdysadyýetimiziň sazlaşykly ösüş, ýurdumyzyň döretmek ýoly bilen ynamly öňe barýandygyny görkezdi.
Türkmenistanyň Senagatçylar we telekeçiler birleşmesiniň agzasy «Rysgally zähmet» hususy kärhanasy tarapyndan umumy meýdany 6 gektara barabar bolan önümhanada gurluşygy alnyp barlan täze önümçilik toplumynda göwrümi 5 millimetrden 3000 millimetre çenli dürli ölçegli çüýşeleriň 50 töweregi görnüşi öndüriler. Şolaryň hatarynda azyk önümlerini gaplamak üçin reňkli we reňksiz çüýşeleriňdir banka önümleri, reňkli we reňksiz gaplyk çüýşe önümleri, şeýle hem lukman- çylyk serişdeleri üçin gaplyk çüýşeler bar. Kärhanada önümçilik prosesi erediji peçden başlanýar. Ýerli kwars çägesinden, hek daşyndan, dolomitden we beýleki goşundylardan ybarat çig mal 1 müň 500 gradusa ýetýän ýokary gyzgynlykda eredilýär. Soňra aýna ergini fiderlerden çüýşe önümlerini şekile getirýän «IS» enjamlaryna geçirilýär. Bu ýokary tehnologiýaly enjamlar aýna erginini çişirmek arkaly dürli göwrümdäki gaplyk çüýşe önümlerini şekile getirýär. Şekil berlen önümler sowadyjy peje geçýär bu peçlerde gyzgyn aýna önümlerini kem-kemden sowadylýar. Sowatma prosesi bu dartgynlylygy aýryp, önümleriň berk bolmagyny üpjün edýär.
Daşary ýurt döwletleriniň innowasion tehnologik enjamlary ornaşdyrylan döwrebap önümhanada önümçilik üçin kwars çägesi, dolomit, hek daşy, natriý sulfaty, kömür ýaly ýerli çig mallar ulanylar. Täze önümhananyň işe girizilmegi bilen, goşmaça iş orunlarynyň 300-e golaýy döredildi. Bu ýerde işgärleriň zähmet çekmekleri üçin ähli önümçilik, durmuş şertleri döredilendir.
Dabaranyň dowamynda Germaniýa Federatiw Respublikasynyň «Horn Glass Industries», Italiýa Respublikasynyň «Vetromeccanica Srl» kompaniýasynyň, Italiýanyň «Bottera» kompaniýalarynyň wekilleri tarapyndan täze önümhana güwänamalary gowşuryldy.
Soňra döwlet Baştutanymyz «Türkmen aýna önümleri» kärhanasynyň ýolbaşçysyna sowgat hökmünde täze awtoulaglaryň we ýörite tehnikalaryň açarlaryny gowşurdy.
Şeýlelikde, paýtagtymyzyň demirgazygyndaky senagat toplumynyň çäginde açylyp, ulanmaga berilen täze önümhana ýurdumyzyň ykdysadyýetiniň ýokary hilli ýerli önümlere bolan isleglerini kanagatlan-dyrmaga, pudagyň eksport mümkinçiliklerini ýokarlandyrmaga, şeýle-de öndürilýän önümleriň mukdaryny artdyrmaga we olaryň görnüşlerini giňeltmäge ýardam eder.
Berkarar döwletiň täze eýýamynyň Galkynyşy döwründe ýurdumyzy senagatlaşdyrmak, ýerli çig malyň esasynda öndürilýän önümçilikleriň gerimini giňeltmek Gahryman Arkadagymyz tarapyndan başy başlanyp, häz...
From August 31 to September 3, 2025, esteemed President Serdar Berdimuhamedov was on a working visit to friendly People’s Republic of China. At the invitation of the Chairman of the People’s Republic...
On September 1, 2025, opening ceremony of the International University of Industrialists and Entrepreneurs was held in the capital with the participation of the National Leader of the Turkmen people,...
A letter from the Secretary-General of the United Nations António Guterres, addressed to the President of Turkmenistan Serdar Berdimuhamedov has been received. As stated in the letter António Guterres...
In accordance with the resolution of the Presidium of the Halk Maslahaty of Turkmenistan adopted on August 20, the next meeting of the Halk Maslahaty of Turkmenistan will be held on September 19, 2025...
During in the period of the Revival of the new epoch of a powerful state, each of the reforms carried out in our country benefits the people and lays a solid foundation for our bright future. In our M...
On July 16-17, 2025, National Leader of the Turkmen people, Chairman of the Halk Maslahaty of Turkmenistan Gurbanguly Berdimuhamedov at the invitation of President Ilham Aliyev paid a friendly visit t...
During in the Revival of the new era of a powerful state large-scale reforms initiated by the National Leader, implemented at a high level under the wise leadership of our Hero Arkadagly Serdar signif...