TÜRKMENISTANDA SAÝLAWLARY
WE SALA SALŞYKLARY GEÇIRMEK
BARADAKY MERKEZI TOPAR

GARAŞSYZLYK– ÝÜREKLERIŇ BUÝSANJY

Garaşsyzlyk türkmen halkynyň ykbal äleminde dogan nurana Kuýaşdyr. Garaşsyzlyk eýýamynda, Berkarar döwletimiziň bagtyýarlyk döwründe, «Türkmenistan – parahatçylygyň we ynanyşmagyň Watany» ýylynda ýurdumyzyň ähli künjeklerinde mukaddes Garaşsyzlygymyzyň 30 ýyllyk şanly toýuna ruhubelentlik bilen taýýarlyk görülýär.

 Garaşsyzlyk döwletimiziň, halkymyzyň at–abraýyny, şöhratyny, mertebesini, ruhy dünýäsini belende göterdi. Garaşsyzlyk ýürekleriň egsilmez buýsanjydyr, başymyzyň altyn täjidir, onuň waspy umman ýaly egsilmezdir, erkanalyk waspy Sena bolup ýaňlanyp, aýdyma, saza, esere öwrülip, kalplaryň töründe müdimilik orun tutup, ylhamyňy joşdurýar, on iki süňňümize ornap, mizemezlige, ezizlige, bakylyga eýe bolýar.

Mukad­des Ga­raş­syz­ly­gy­my­zyň şa­ny­na tutul­ýan bu uly toý bag­ty­ýar hal­ky­my­zyň mil­li buý­san­jy­ny ar­şa gö­ter­ýär. Ber­ka­rar döw­le­ti­mi­ziň bag­ty­ýar­lyk döw­rün­de  äh­li ul­gam­la­rda ta­ry­hy öz­ge­riş­ler ama­la aşy­ryl­ýar.

Bag­ty­ýar hal­ky­my­zyň ýa­şa­ýyş-dur­muş de­re­je­si­ni ýo­kar­lan­dyr­mak­, eziz Di­ýary­my­zy äh­li ugur­lar bo­ýun­ça saz­la­şyk­ly ös­dür­mek «Döwlet adam üçindir!» diýen şygary baş ýörelge edinen Gahryman Arkadagymyzyň Türkmenistany dünýäniň ösen döwletleriniň hataryna çykarmak babatda edýän irginsiz tagallalarynyň netijesidir, Garaşsyzlygyň miwesidir. Garaşsyzlygymyzyň gadyr–gymmaty halkymyzyň agzybirliginde, döwlet Baştutanymyzyň başyny başlan özgertmelerini doly goldaýanlygynda, Watana bolan beýik söýgüsinde jemlenendir.     

Magtymguly Pyragynyň «Türkmen binasy» atly ajaýyp goşgusyndaky:

Gurdugym aslynda bilgil, bu zeminiň myhydyr,

Erer ol erkan mydam, budur ki türkmen binasy –

diýen dürdäne setirlerinden görnüşi ýaly, türkmen ili erkanalyga, bagtyýarlyga buýsanyp ýaşaýar .  

Geçen asyryň ahyrlarynda, has takygy, 1991-nji ýylda ýurdumyzyň Garaşsyzlygyny gazanmagy bilen, ata Watanymyza, mähriban halkymyza erkanalyk döwrany dolandy. Hormatly Arkadagymyzyň öňdengörüjilikli, çuň parasada ýugrulan içeri we daşary syýasaty Garaşsyz, hemişelik Bitarap ýurdumyzyň we türkmen halkynyň at-abraýyny dünýä derejesine çykardy, älem-jahana meşhur etdi.

Döw­le­ti­miz özyg­ty­ýar­ly­ly­gy­ny gaza­nan­dan soň, ber­ka­rar Wa­ta­ny­my­zy dur­muş-yk­dy­sa­dy taý­dan ös­dür­mä­ge, mäh­ri­ban hal­ky­my­zyň ýa­şa­ýyş-dur­muş de­re­je­si­ni ýo­kar­lan­dyr­ma­ga gö­nük­di­rilen, hem­me­ta­rap­la­ýyn oý­la­ny­şyk­ly we teh­no­lo­gik çöz­güt­le­re esas­lan­ýan maksat­na­ma­lar üs­tün­lik­li ama­la aşy­ryl­ýar. Bäs­deş­li­ge ukyp­ly, ba­zar gat­na­şyk­la­ryna me­ýil­li yk­dy­sa­dy­ýe­ti­mi­ziň mil­li nusga­sy dö­re­dil­di. Bu my­na­syp iş­ler asylly mak­sat­la­ra ýet­me­giň, dur­nuk­ly ösü­şi üp­jün et­me­giň baş gu­ra­ly hök­mün­de hä­zir­ki dö­wür­de hem yzy­gi­der­li do­wam et­di­ril­ýär. Mil­li Li­de­ri­mi­ziň ama­la aşyrýan dur­muş öz­gert­me­le­ri­niň, öňe sürýän yn­san­per­wer baş­lan­gyç­la­ry­nyň baş we­zi­pe­si döw­le­ti­mi­ziň yk­dy­sa­dy kuw­waty­ny art­dyr­mak­dan, ýur­du­my­zy hem­meta­rap­la­ýyn ösüş ýo­ly bi­len ös­dür­mekden we in­no­wa­si­ýa ugur­ly tas­la­ma­la­ry dur­mu­şa or­naş­dyr­mak­dan, hal­ky­my­zyň ýa­şa­ýyş-dur­muş şert­le­ri­ni go­wu­lan­dyrmak­dan yba­rat bo­lup dur­ýar.

Bu gün Garaşsyz, hemişelik Bitarap Watanymyz bedew batly ösüşleriň, parahatçylygyň, dost-doganlygyň, toý-baýramyň, täze gurulýan şäherleriň mekanyna, gurmagyň we döretmegiň röwşen ýoly bilen öňe barýan kuwwatly senagat ýurduna öwrüldi.

Munuň şeýledigi milli Liderimiziň «Öňe, diňe öňe, jan Watanym - Türkmenistan» atly ajaýyp eserindäki:

Parahatlyk – ýürek baýdagy,

Älem-jahan – mähir mukamy.

Türkmenistan – bahar baýramy,

Türkmenistan – dostluk mekany –

diýen pähim-parasatly, joşgunly setirlerinde ussatlyk bilen beýan edilýär.

Garaşsyzlygyň, parahatçylygyň, asudalygyň we agzybirligiň gadyr– gymmatyna belent sarpa goýýan hormatly Prezidentimiz umumadamzat bähbitli beýik işleri durmuşa ornaşdyrýar. Ýurdumyzyň mukaddes Garaşsyzlygynyň 30 ýyllyk senesi uly üstünliklere beslenýän ýüzlerçe buýsandyryjy wakalary, bitirilen ägirt uly işleri, rowaçlyklary sahylyk bilen bagyş edýär. Mukaddes Garaşsyzlygymyzy goramaga we berkitmäge, halkara hyzmatdaşlygyny, milli agzybirligi pugtalandyrmaga, halkymyzyň ýaşaýyş–durmuş derejesiniň has–da gowulandyrylmagyna, ykdysadyýetiň okgunly ösmegine gönükdirilen il–ýurt ähmiýetli kabul edilen syýasy, ykdysady we hukuk özgertmeleri gysga döwrüň içinde üstünlikli amala aşyryldy.

Ýurdumyzda adam hukuklary, azatlyklary, kanunyň hökmürowanlygy, halkara hukugynyň ählumumy ykrar edilen kadalarynyň ileri tutulmagy ykrar edilýär, döwrüň talaplaryna laýyklykda, döwrebap hukuk özgertmeleri üstünlikli amala aşyrylýar. Üstünlikli amala aşyrylýan kanunçylyk özgertmeleri esasynda Garaşsyz, hemişelik Bitarap Türkmenistanyň döwrüň talabyna laýyk gelýän ösen syýasy ulgamy, özygtyýarly döwlet hökmündäki abraýy barha belende göterilýär, jemgyýetiň we döwletiň iň ýokary gymmatlygy bolan adam hukuklarynyň hem–de azatlyklarynyň goraglylygy barha ýokary derejede üpjün edilýär.  

Bi­ziň äh­li­mi­ziň «Dün­ýä dur­sun, sen dur, Türk­me­nis­ta­nym!» diýip eziz­le­ýän Ga­raş­syz, he­mi­şe­lik Bi­tarap Wa­ta­ny­my­zy has-da ös­dür­mek bara­da­ky ar­zuw-mak­sat­lar bir­leş­dir­ýär. Bu gün - Ga­raş­syz­lyk ýyl­la­ryn­da ga­za­ny­lan ösüş­le­re na­zar aý­lap, bi­ziň her bi­ri­miz ber­ka­rar döw­le­tiň ra­ýat­la­ry hök­münde ösüp gel­ýän ne­sil­le­riň öňün­de eziz Wa­ta­ny­my­zyň dur­muş-yk­dy­sa­dy, ekolo­gi­ýa aba­dan­çy­ly­gy­nyň, mil­li me­de­niýe­tiň do­wa­ma­ty­nyň üp­jün edil­me­gi üçin jo­gap­kär­çi­lik duý­ma­ly­dy­rys, ýaş ne­sil bol­sa şol mi­ra­sy go­rap sak­lama­ga, has-da baý­laş­dyr­ma­ga borç­lu­dyr.

Goý, berkarar Diýarymyzy dünýäniň ykdysady taýdan ösen döwletleriniň hataryna çykarýan, beýik ösüşleriň ýurduna öwren hormatly Prezidentimiziň jany sag, ömri uzak, tutumly başlangyçlary hemişe rowaç bolsun!

Gahryman Arkadagymyzy, mähriban halkymyzy ýetip gelýän mukaddes Garaşsyzlygymyzyň 30 ýyllyk şanly toýy bilen tüýs ýürekden gutlaýarys.

 

Jahan ORAZOWA, 
Türkmenistanda Saýlawlary we sala salşyklary geçirmek boýunça
merkezi toparyň edarasynyň esasy hünärmeni.