TÜRKMENISTANDA SAÝLAWLARY
WE SALA SALŞYKLARY GEÇIRMEK
BARADAKY MERKEZI TOPAR

07 Noý

Ahal welaýatynyň dolandyryş merkezi

Milli Liderimiz hemişelik Bitarap Türkmenistan Watanymyzy hemme taraplaýyn ösdürmek, özgertmek bilen bagly ulgamlaýyn meýilnamalara giň gerim, badalga berýär. Şol ulgamlaýyn işleriň netijesinde diňe bir  ýurdumyzyň paýtagty  Aşgabadyň däl, eýsem welaýatdyr etrap  merkezleriniň, obadyr  şäherçelerimiziň keşbi gün-günden özgerýär, gözelleşýär.

Türkmenistanyň ähli künjeklerinde giňden  ýaýbaňlandyrylýan bu düýpli özgertmeler maksatnamasynyň çäklerinde döwrebap durmuş-ykdysady düzümlerini döretmek üçin uly möçberli maýa goýumlary yzygiderli gönükdirilýär. Bu maýa goýumlary bolsa obalarymyzyň, etraplardaky şäherçelerimiziň hem-de welaýatlarymyzyň dolandyryş merkezleriniň döwrüň talaplaryna laýyk derejede täze keşbe eýe bolmagyna getirýär.

Milli Liderimiz şu ýylyň 31-nji oktýabrynda Gökdepe etrabynda iş saparynda bolup, Ahal welaýatynyň guruljak dolandyryş merkezini binagärlik-gurluşyk taýdan ösdürmegiň, şeýle hem dolandyryş desgalarynyň hem-de beýleki edaralaryň, ýaşaýyş jaýlarynyň binalarynyň toplumynyň taslamalary bilen içgin tanyşmagynda bolsa, welaýat merkezlerimiziň durkunyň hem edil paýtagtymyzyňky ýaly lowurdap durmagynyň üpjün ediljekdiginiň ýene bir  buşlukçysy bolup  ýaňlandy. Bu ägirt uly taslama Türkmenistan atly bagtyýar ýurduň hormatly  Baştutanynyň kalbynyň il-ýurt  bähbitli tutumly işleri yzygiderli amala aşyrmak hyjuwy bilen gaýnap-joşýandygyndan, döwletimiziň ykdysady kuwwatynyň barha artýandygyndan, raýatlarymyzyň ruhy-hal ýagdaýynyň has-da beýgelýändiginden nyşandyr.

 Ahal welaýatynyň guruljak dolandyryş merkezini binagärlik-gurluşyk taýdan ösdürmegiň taslamalaryna laýyklykda, bu ýerde ýadygärlik binasyny, Döwlet baýdagy üçin beýik sütüni bolan meýdançany, şeýle-de häkimligiň, beýleki düzümleriň edaralarynyň binalaryny gurmak göz öňünde tutulýar. Mundan başga-da, jemgyýetçilik guramalaryna, oba hojalyk, maliýe-ykdysady pudaklaryna, saglygy goraýyş toplumlaryna, ulag, aragatnaşyk, jemagat hojalygy we söwda pudaklaryna degişli edaralary, häzirki zaman sport düzümlerini, Ruhyýet köşgüni, welaýat medeniýet we baş bilim müdirliginiň binalaryny, drama teatryny hem-de kitaphanany, muzeý üçin binalary,  döwrebap stadiony hem-de sport toplumynyň ikisini, häzirki zaman seýilgähini gurmak meýilleşdirilýär. Şeýle hem  Ahal welaýatynyň guruljak dolandyryş merkezinde bank toplumy üçin Merkezi bankyň Ahal welaýat dolandyrmasy, ýurdumyzyň iri banklarynyň şahamçalarynyň desgalary bina ediler. Ahal welaýatynyň hukuk goraýjy düzümlerine niýetlenen binalaryň gurluşygy hem amala aşyrylar. Ahalteke bedewleri üçin zerur bolan binalary, şeýle-de  aýlawy, türgenleşik meýdançalary, manežleri, athanalary bolan Halkara atçylyk ýokary okuw mekdebini, Atçylyk ylmy-önümçilik merkezini gurmak meýilleşdirilýär.

Täze gurluşyklarda orta hünär okuw mekdebiniň, umumy bilim berýän mekdepleriň, çagalar baglarynyň gurulmagy bilen bilim ulgamynyň edara binalary emele getiriler.

Durmuş düzümine degişli desgalaryň hatarynda köpugurly hassahananyň, saglyk öýüniň, aragatnaşyk edarasynyň, köp gatly awtoduralganyň we açyk awtoduralganyň, işewürlik merkeziniň, Bagt köşgüniň, bazaryň hem-de söwda merkeziniň binalarynyň gurulmagy göz öňünde tutulýar.

Sebitiň dolandyryş merkezinde köp gatly ýaşaýyş jaýlarynyň täze toplumlary gurlar. Munuň bilen bagly taslamalaryň ençeme görnüşi teklip edildi. Şol görnüşleriň  birinde 874 gektar meýdanda öýleriň 208-sini gurmak meýilleşdirilýär. Şolaryň, umuman, 13 müň 452 maşgala niýetlenilen 142 öýi — 12 gatly, 66-sy bolsa 9 gatly binalardyr. Netijede, bu ýerde  67 müň 260 adamly ýaşaýyş toplumy peýda bolar.

Hödürlenilen taslamanyň beýleki görnüşine laýyklykda, bu ýerde 212 sany bäş hem-de ýedi gatly ýaşaýyş jaýlaryndan ybarat bolan toplumy gurmak göz öňünde tutulýar. Bu toplum  7 müň 916 hojalyk  ýa-da 39 müň 580 adam üçin  niýetlenilendir.

Taslamanyň üçünji görnüşinde jaýlaryň 235-sini gurmak göz öňünde tutulýar, şonda jaýlaryň köpüsi 9 gatly hem-de 72 öýli 12 gatly bolar. Umuman, şeýle ýaşaýyş toplumy 67 müň 770 adamyň ýaşap biljek öýleriniň 13 554-sine niýetlenendir.

Taslamanyň dördünji görnüşiniň eýeleýän meýdany 880 gektara deň bolup, onda 5 we 7 gatly jaýlar bina ediler.

Bäşinji görnüş bolsa, 862 gektar meýdany tutar. Ol ýerde  dört hem dokuz gatly jaýlary gurmak meýilleşdirilýär.

Bulardan başga-da, jemgyýetçilik binalarynyň ýerleşdirilişiniň hem-de dürli gatlardan ybarat ýaşaýyş toplumlarynyň gurluşyklarynyň taslamalarynyň ençemesiniň görnüşleri hödürlenildi.

Ahal welaýatynyň guruljak dolandyryş merkeziniň taslamalary taýýarlanylanda esasy üns ekologiýa, innowasiýa, täzeçillik we seýsmologiýa talaplaryna gönükdirildi.

Garaşsyz, hemişelik Bitarap Türkmenistan Watanymyzyň gülşen Diýara öwrülmegine giň ýol açýan bu ajaýyp taslamalar üçin her bir türkmen raýaty milletiň Arkadagyna çäksiz hoşallyk bildirýär. Çünki, ýurt Baştutanymyzyň  il-ýurt  bähbitli tutumly işleri yzygiderli amala aşyrmak hyjuwy bilen gaýnap-joşýan kalbynyň töründe dörän bu uly tutumlar, ýakyn geljekde  Zeminiň Türkmenistan atly döwletiniň jenneti mekana öwrüljekdiginiň aýdyň nyşanydyr.

21 Mart
Türkmenistanda saýlawlar boýunça öňünden ses bermek möwsümi başlandy

21-nji martda, Türkmenistanyň Saýlaw kodeksiniň 73-nji maddasyna laýyklykda, degişli saýlaw okruglarynda möhletinden öň çykyp giden Türkmenistanyň Mejlisiniň deputatlarynyň, welaýat, etrap, şäher Halk...

06 Mart
Dalaşgärleri bellige almak tamamlandy

Ýurdumyzda käbir saýlaw okruglary boýunça ygtyýarlyk möhletinden öň çykyp giden Mejlisiň deputatlarynyň, Halk maslahatlarynyň we Geňeşleriň agzalarynyň ýerine şu ýylyň mart aýynyň soňky ýekşenbesinde...

02 Mart
Dalaşgärleri hödürlemek möwsümi tamamlandy

Ýurdumyzda käbir saýlaw okruglary boýunça möhletinden öň çykyp gidenleriň ýerine şu ýylyň mart aýynyň soňky ýekşenbesinde geçiriljek saýlawlar boýunça dalaşgärleri hödürlemek möwsümi 2019-njy ýylyň 28...

27 Few
Halkara hyzmatdaşlygy

Merkezi saýlaw toparynyň wekilleri 2019-njy ýylyň 24-nji fewralynda geçirilen Moldowa Respublikasynyň Parlamentiniň deputatlarynyň saýlawlaryna Garaşsyz Döwletleriň Arkalaşygynyň synçylar wekiliýetini...

27 Few
Uçastok saýlaw toparlary bilen okuw maslahatlary geçirildi

Ýurdumyzda 2019-njy ýylyň 31-nji martynda geçiriljek saýlawlara taýýarlyk görmek hem-de ony guramaçylykly geçirmek boýunça çäreleriň tassyklanylan meýilnamasyna laýyklykda, 2019-njy ýylyň 23-26-njy fe...

26 Few
Wagyz işleri dowam edýär

Möhletinden öň çykyp giden Türkmenistanyň Mejlisiniň deputatlarynyň, welaýat, etrap, şäher halk maslahatlarynyň, Geňeşleriň agzalarynyň ýerine 31-nji martda geçiriljek saýlawlara taýýarlyk işleriniň ç...

22 Few
Köpçülikleýin habar beriş serişdeleriniň wekilleri bilen okuw maslahaty geçirildi

Ýurdumyzda şu ýylyň mart aýynyň soňky ýekşenbesinde geçiriljek saýlawlara guramaçylykly taýýarlyk görmek maksady bilen, 2019-njy ýylyň 22-nji fewralynda Türkmen döwlet neşirýat gullugynyň Metbugat öýi...

19 Few
Okuw maslahatlary geçirildi

Möhletinden öň çykyp giden Türkmenistanyň Mejlisiniň deputatlarynyň, welaýat, etrap, şäher Halk maslahatlarynyň we Geňeşleriň agzalarynyň ýerine 2019-njy ýylyň 31-nji martynda geçiriljek saýlawlara ta...