TÜRKMENISTANDA SAÝLAWLARY
WE SALA SALŞYKLARY GEÇIRMEK
BARADAKY MERKEZI TOPAR

30 Mart

Mejlisiň täze deputatlar düzümine şahadatnamalar gowşuryldy

Örän möhüm jemgyýetçilik-syýasy çäräniň — Türkmenistanyň Mejlisiniň altynjy çagyrylyşynyň deputatlarynyň, welaýat, etrap, şäher halk maslahatlarynyň we Geňeşleriň agzalarynyň saýlawlarynyň gutarnykly netijeleri jemlenildi. Şu gün metbugatda Türkmenistanyň Mejlisiniň täze düzüminiň deputatlarynyň, ýerli ýerine ýetiriji we öz-özüňi dolandyryş edaralarynyň wekilleriniň sanawlary çap edilýär. 

Parlamentiň täze deputatlar düzümi halkyň saýlan wekilleriniň 125-sinden ybaratdyr, olar ýakyn geljek bäş ýylyň dowamynda döwletimiziň durmuşynyň ähli ulgamlarynyň mundan beýläk-de ösdürilmeginde uly ähmiýete eýe bolan milli maksatnamalaryň durmuşa geçirilmeginiň kanunçylyk üpjünçiliginiň jogapkärli wezipelerini çözerler. Türkmenistanda Saýlawlary we sala salşyklary geçirmek baradaky Merkezi toparda milli parlamentiň saýlanan deputatlaryna şahadatnamalar gowşuryldy. Şu pursatdan başlap, olar ýurdumyzyň ýokary kanun çykaryjy edarasynda halkyň doly hukukly wekilleridir. Ýakyn günlerde degişli saýlaw toparlarynda halk maslahatlarynyň hem-de Geňeşleriň saýlanan agzalaryna şahadatnamalar gowşurylar. 

Häzirki zaman türkmen jemgyýetiniň durmuşynyň demokratik esaslaryny kemala getirmek, iş ýüzünde ynsanperwerlik taglymlary hem-de milli maksatnamalaryň düzgünlerini berjaý etmek, raýatlaryň hukuklarynyň we azatlyklarynyň üpjün edilmegi biziň geçirýän syýasatymyzyň ileri tutulýan ugrudyr diýip, hormatly Prezidentimiz Gurbanguly Berdimuhamedow nygtaýar. Milli Liderimiziň bu sözleri häzirki zaman türkmen jemgyýetiniň jebisligini açyp görkezen saýlaw möwsüminiň barşynda öz beýanyny tapdy. Açyklyk we aýanlyk, bäsdeşlik, hakyky demokratik ýagdaýda geçirilen saýlawlar gadymdan gelýän halk häkimiýetliliginiň ýörelgelerini artdyrmagyň ýolunda täze ädim boldy, türkmenler bäş müňýyllyk taryhynyň dowamynda bu ýörelgelere ygrarly bolup geldiler. 

Demokratik partiýanyň, Senagatçylar we telekeçiler partiýasynyň, Agrar partiýanyň, şeýle hem raýatlar toparlarynyň dalaşgärleri görkezendiklerini ýatladýarys. Saýlawlaryň öň ýanyndaky möwsümde ähli dalaşgärlere deň mümkinçilikler üpjün edildi, şol sanda köpçülikleýin habar beriş serişdelerinde erkin çykyş etmek mümkinçiligi döredildi. Saýlawlaryň öň ýanyndaky möwsüme gatnaşyjylar tarapyndan ägirt uly guramaçylyk işleri geçirildi, Garaşsyz, Bitarap Türkmenistanda hormatly Prezidentimiz Gurbanguly Berdimuhamedowyň baştutanlygynda amala aşyrylýan demokratik özgertmelere hem-de özüniň raýatlyk borjuna çuňňur düşünýändiklerini görkezen saýlawçylaryň ruhubelentlik ýagdaýynda guralan saýlawlaryň ýokary derejesi şol işleriň oňyn netijeleridir. 

Türkmenistanyň Mejlisiniň altynjy çagyrylyşynyň düzümine giren deputatlaryň ýokary bilim we hünär derejesiniň bardygyny bellemek gerek, munuň özi ýurdumyzyň hemişelik hereket edýän ýokary kanun çykaryjy edarasyna iň mynasyp wekilleriň saýlanandygyny görkezýär. Olaryň hatarynda ykdysadyýetimiziň esasy pudaklarynyň we durmuş ulgamynyň öňdebaryjy hünärmenleri bar. Halkyň saýlan wekilleriniň köpüsiniň ýaşynyň 30-dan 50-ä çenlidigini bellemek ýakymlydyr, munuň özi ýurdumyzyň jemgyýetçilik-syýasy durmuşyna täze nesliň goşulýandygynyň aýdyň mysalydyr. Deputatlar düzümine 31 zenan girýär, bu deputatlaryň umumy sanynyň 25 göterimidir. Bu görkeziji hem türkmen jemgyýetiniň durmuşynda aýal-gyzlaryň ornunyň barha pugtalanýandygynyň subutnamasydyr. 

Saýlaw möwsüminiň geçirilmeginiň ähli tapgyrlaryna 4 müňden gowrak milli synçynyň we halkara synçylaryň 142-siniň gözegçilik edendiklerini aýratyn bellemek gerek. 

Gözegçilikleriň netijeleri ses bermek çärelerine taýýarlyk görmegiň we ony guramagyň, şeýle hem ses bermegiň netijelerini jemlemegiň ýokary derejesini äşgär etdi.

30 Noý
Ykdysady Hyzmatdaşlyk Guramasynyň paýtagtymyzda geçen sammiti

Hormatly Prezidentimiziň başlyklyk etmeginde Aşgabat şäherinde şu ýylyň 28-nji noýabrynda geçirilen Ykdysady Hyzmatdaşlyk Guramasynyň (YHG) 15-nji sammiti halkara derejesinde uly ähmiýete eýe boldy.  ...

15 Noý
Rysgal-berekediň toýy

Berkarar döwletimiziň bagtyýarlyk döwründe ba­ba­daý­han­la­ry­my­zyň gaý­rat­ly zäh­me­ti­niň ne­ti­je­le­ri­ne, türk­men top­ra­gyn­da ýe­tiş­di­ri­len bol ha­sy­la äh­li­halk buý­san­jy­nyň ny­şa­n...

08 Noý
Bag ekmegiň güýzki möwsümi

Täze taryhy eýýamda — Berkarar döwletimiziň bagtyýarlyk döwründe daşky gurşawy goramak, türkmen tebigatynyň baýlyklaryny artdyrmak baradaky meseleler döwletimiziň üns merkezinde bolup, arkadag Prezide...

21 Okt
Däp bolan önümçilik tejribesi

Hormatly Prezidentimiziň pähim-parasatly baştutanlygynda, öňdengörüjilikli döwlet syýasaty esasynda ýurdumyzyň jemgyýetçilik-syýasy durmuşyny demokratiýalaşdyrmak meselesi aýratyn möhüm ugurlaryň biri...

30 Iýul
Welaýatlaryň, Aşgabat şäheriniň täze döredilen saýlaw toparlary: jemler, sanlar

Ýurdumyz bu gün demokratik ýörelgeleri çuňlaşdyrmak ýoly bilen öňe ynamly gadam urýar. Demokratik şertleriň çäklerinde ýurdumyzda her bir türkmen raýatynyň saýlaw hukuklarynyň üpjün edilmegine hem uly...

23 Iýul
Etraplaryň, şäherleriň täze döredilen saýlaw toparlary: jemler, sanlar

Hormatly Prezidentimiziň pähim-parasatly baştutanlygynda günsaýyn ösüp barýan asuda ýurdumyzda raýatlaryň hukuklaryny we azatlyklaryny goramaga gönükdirilen il-ýurt bähbitli çäreler yzygiderli amala a...

03 Iýul
Halkara konferensiýasy geçirildi

Berkarar döwletimiziň bagtyýarlyk döwründe hormatly Prezidentimiziň parasatly baştutanlygynda ýurdumyzda milli ykdysadyýetimiziň ähli pudaklaryny sanlylaşdyrmak işi ýokary depginler bilen dowam edýär....

03 Iýul
Welaýat, Aşgabat şäher saýlaw toparlary täzeden döredildi

?Türkmenistan – parahatçylygyň we ynanyşmagyň Watany» ýylynda, mukaddes Garaşsyzlygymyzyň şanly 30 ýyllyk baýramyna taýýarlyk görülýän günlerde hormatly Prezidentimiziň parasatly baştutanlygynda alnyp...