TÜRKMENISTANDA SAÝLAWLARY
WE SALA SALŞYKLARY GEÇIRMEK
BARADAKY MERKEZI TOPAR

28 Few

Mejlisiň deputatlarynyň, halk maslahatlarynyň we Geňeşleriň agzalarynyň dalaşgärleriniň saýlawçylar bilen duşuşyklary geçirilýär

Türkmenistanda Mejlisiň deputatlarynyň, halk maslahatlarynyň we Geňeşleriň agzalarynyň 25-nji martda geçirilmegi meýilleşdirilýän saýlawlaryň çäklerinde giňden ýaýbaňlanan taýýarlyk işleriniň möhüm tapgyry tamamlandy. 

Milli parlamentiň deputatlygyna jemi 284, welaýat halk maslahatlarynyň agzalygyna 489, etrap we şäher halk maslahatlarynyň agzalygyna 2570, şeýle hem Geňeşleriň agzalygyna 13215 dalaşgär hödürlenildi. Olaryň hatarynda ykdysadyýetiň dürli pudaklarynyň ýokary derejeli hünärmenleri, dürli ýaşly we hünärli, dürli milletiň wekilleri bar. 

Dalaşgärleriň ählisi erkin we deňhukukly esaslarda hödürlenildi, olary hödürlemek we bellige almak işleri milli kanunçylygyň talaplarynyň berjaý edilmeginde açyk häsiýete eýe boldy. 27-nji fewralda syýasaty partiýalara we raýatlar toparlaryna wekilçilik edýän dalaşgärleri bellige almak tamamlandy. Saýlawlaryň öň ýanyndaky wagyz hem-de köpçülikleýin habar beriş serişdelerinde saýlaw möwsümini beýan etmek çäreleri dalaşgärleriň bellige alnan gününden başlap, 2018-nji ýylyň 23-nji martyna çenli dowam eder. 

Häzirki wagtda ýurdumyzyň ýokary kanun çykaryjylyk edarasyna, ýerli häkimiýet we öz-özüňi dolandyryş edaralaryna dalaşgärleriň saýlawçylar bilen duşuşyklary ähli ýerlerde geçirilýär. 

Saýlawçylar bilen geçirilýän gyzykly hem-de açyk söhbetdeşligiň barşynda dalaşgärler saýlawçylaryň geljekde geçirilmegi göz öňünde tutýan işleri baradaky sowallaryna esaslandyrylan jogaplary berýärler. Dalaşgärler watandaşlarymyzyň özlerine başarnykly hem-de hakyky watançylar hökmünde bildirýän ynamyny ödejekdiklerine ynandyrýarlar. 

Saýlaw kodeksine laýyklykda, syýasy partiýalara, jemgyýetçilik birleşiklerine, Türkmenistanyň raýatlaryna, dalaşgärlere, olaryň ynanylan adamlaryna, teklipçi toparlara wagyz işlerini erkin geçirmäge şert döredilýär. Dalaşgärlere köpçülikleýin habar beriş serişdelerinde çykyş etmek üçin deň şertler kepillendirilýär. 

Saýlawlara halkara we milli synçylaryň gatnaşmagy bu möhüm syýasy-jemgyýetçilik çäresiniň açyklyk we aýanlyk ýagdaýda geçirilmegine ýardam berer. 

Soňky aýlaryň dowamynda geçirilen uly işler, işjeň tapgyra gadam basan saýlawlaryň öň ýanyndaky çäreleriň açyklyk we aýanlyk ýagdaýynda guralýandygy, ýurdumyzyň deputatlarynyň täze düzüminiň, halk maslahatlarynyň we Geňeşleriň agzalarynyň saýlawlarynyň milli saýlaw kanunçylygyna hem-de halkara hukugynyň kadalaryna berk laýyklykda geçiriljekdiginiň ygtybarly subutnamasydyr.

12 Few
Halkara hyzmatdaşlygy

Türkmenistanda Saýlawlary we sala salşyklary geçirmek baradaky Merkezi toparyň wekilleri 2020-nji ýylyň 9-njy fewralynda geçirilen Azerbaýjan Respublikasynyň Milli Mejlisiniň deputatlarynyň nobatdan d...

21 Ýan
2020-nji ýyl — «Türkmenistan — Bitaraplygyň mekany» ýyly

Hormatly Prezidentimiz 2020-nji ýyly «Türkmenistan — Bitaraplygyň mekany» ýyly diýip yglan etdi. Munuň diňe biziň ýurdumyzyň halky üçin däl-de, eýsem  tutuş  dünýäniň halklary üçin hem özboluşly, simw...

26 Dek
Döwlet gullugy akademiýasynyň diňleýjileri Merkezi saýlaw toparynda

Hormatly Prezidentimiziň pähim-parasatly, öňdengörüji başlangyçlary, nesihatlary we tabşyryklary esasynda, saýlawlary geçirmegiň halkara tejribelerini, saýlaw ulgamynyň ugurlaryny, saýlaw toparlarynyň...

26 Dek
Halkara hyzmatdaşlygy

Türkmenistanda Saýlawlary we sala salşyklary geçirmek baradaky Merkezi toparyň wekilleri 2019-njy ýylyň 22-nji dekabrynda geçirilen Özbegistan Respublikasynyň Oliý Mejlisiniň deputatlarynyň saýlawlary...

22 Noý
Täze döredilen uçastok saýlaw toparlarynyň agzalary: jemler, sanlar

Garaşsyz hemişelik Bitarap Türkmenistan döwletimizde hormatly Prezidentimiziň saýlaw ulgamynyň işine ýakyndan ýardam bermegi netijesinde, ýurdumyzda saýlawlary guramaçylykly, kanuna we halkara kadalar...

13 Noý
Türkmeniň hasyl toýy

1 million 50 müň tonnadan gowrak “ak altyn” ýygnan türkmen pagtaçylary bereketli noýabrda pagta taýýarlamak baradaky şertnamalaýyn borçnamalaryny üstünlikli ýerine ýetirdiler. Şeýlelikde, olar halkymy...

29 Okt
Uçastok saýlaw toparlary döredilýär

Häzirki döwürde ýurdumyzyň welaýatlarynda we Aşgabat şäherinde etrap, şäher saýlaw toparlary tarapyndan uçastok saýlaw toparlarynyň agzalaryny täze möhlete saýlamak işleri guramaçylykly dowam etdirilý...

18 Okt
Dünýä ýaň salan geňeşiň mejlisi

2019-njy ýylyň 11-nji oktýabrynda hormatly Prezidentimiz Gurbanguly Berdimuhamedowyň başlyklygynda Aşgabatda “Oguzkent” myhmanhanasynda Garaşsyz Döwletleriň Arkalaşygynyň döwlet Baştutanlarynyň geňeşi...