TÜRKMENISTANDA SAÝLAWLARY
WE SALA SALŞYKLARY GEÇIRMEK
BARADAKY MERKEZI TOPAR

09 Noý

Aşgabatda geçirilýän dünýä çempionaty

Merkezi Aziýanyň merjen şäheri saýylýan ak mermerli paýtagtymyz Aşgabatda geçirilýän agyr atletika boýunça dünýä çempionatynyň her güni haýran galdyryjy täsinliklere beslenýär. Şu ýylyň  1-10-njy noýabry aralygynda geçirilýän bu dünýä çempionaty Zeminiň agyr atletikaçylarynyň arasyna täze-täze atlary goşmagy dowam edýär. Bu çempionatdan soň, paýtagtymyz Aşgabadyň hem-de hemişelik Bitarap Türkmenistanyň adynyň Ýer ýüzündäki meşhurlygy has-da artar. Dünýäniň agyr atletika sportunyň taryhyna müdimilik giren Aşgabat çempionaty barada meşhur türgenler hoşallyk sözlerini öwran-öwran gaýtalap, dillerinden asla  düşürenoklar.

Bu halkara sport çäresi milli Liderimiziň ýolbaşçylygynda durmuşa geçirilýän Türkmenistanyň döwlet syýasatynyň ileri tutulýan ugurlarynyň biri bolan bedenterbiýäni we sporty ösdürmek boýunça maksada okgunly strategiýanyň dünýä jemgyýetçiligi tarapyndan giň goldaw tapandygynyň, şeýle-de Aşgabadyň dünýäde ykrar edilen halkara sport merkezine öwrülendiginiň özboluşly subutnamasy boldy.

Bu çempionata gatnaşmak üçin yklymyň we dünýäniň agyr atletika boýunça çempionlary, şeýle hem olimpiadalaryň ýeňijileri biziň paýtagtymyza geldiler. Şolaryň arasynda dünýä çempionatynyň kümüş medalynyň eýesi Rejepbaý Rejebow (Türkmenistan), dünýä çempionatynyň kümüş medalynyň eýesi Kristina Şermetowa (Türkmenistan), dünýäniň iki gezek çempiony Çiraphan Nanzawong (Tailand), dünýä çempiony Thunýa Suksaroen (Tailand), dünýä çempiony Sopita Tanasan (Tailand), Rio - 2016 olimpiýa oýunlarynyň çempiony Sukanýa Srisurat (Tailand), Rio - 2016 olimpiýa oýunlarynyň kümüş medalynyň eýesi Hidilin Diaz (Filippinler), Aziýanyň we Uniwersiadanyň çempiony Hsing-Çun Kuo (Hytaý Taýpeýi), Rio - 2016 olimpiýa oýunlarynyň kümüş medalynyň eýesi Pimsiri Sirikaew (Tailand), ýaşlaryň arasynda Ýewropanyň we dünýäniň çempiony Rebeka Koha (Latwiýa), Aziýa oýunlary - 2018-iň çempiony Hýo Sim Kim (KHDR), ýaşlaryň arasynda dünýä çempiony Un Sim Rim (KHDR), Rio - 2016 olimpiýa oýunlarynyň ýeňijisi Sara Ahmed (Müsür), dünýä çempionaty - 2017-niň bürünç medalynyň eýesi Marta Ann Rojers (ABŞ), olimpiýa oýunlarynyň iki gezek çempiony Ýong Sim Rim (KHDR), dünýä  çempiony Leidy Solis (Kolumbiýa), dünýäniň üç gezek çempiony Neisi Daýomes Barrera (Ekwador), dünýä çempionatynyň medallarynyň ähli görnüşiniň eýesi we Ýewropanyň dört gezek çempiony Lidia Walentin Perez (Ispaniýa), ýaşlaryň arasynda Aziýanyň çempiony Hui Ao (Hytaý), London - 2012 olimpiýa oýunlarynyň kümüş medalynyň eýesi, Ýewropanyň 7, dünýäniň 4 gezek çempiony  Tatýana Kaşirina (Russiýa), London - 2018 olimpiýa oýunlarynyň altyn, Rio - 2016-nyň bolsa kümüş medalynyň eýesi Ýun Çol Om (KHDR), dünýä çempiony Fransisko Moskuera (Kolumbiýa) bar.

Dünýä ýyldyzlarynyň köpüsiniň gatnaşmagynda geçirilýän bu dünýä çempionaty her gün diýen ýaly garaşylmadyk netijelere, dartgynly çekeleşiklere eýe bolýar. Bu çempionat dünýä birinjiliginiň taryhynda ilkinji gezek ýaryşlaryň 20 sany agram derejesinde geçirilýänligi bilen tapawutlanýar. Şeýle hem bu çempionat geljekde Tokioda geçiriljek Olimpiýa oýunlaryna gatnaşmak hukugyny gazanmagyň ýolundaky ilkinji ädimdir.

Paýtagtymyzdaky Olimpiýa şäherçesinde türgenler hem-de bu abraýly ýaryşlaryň guralmagyna gatnaşýanlar, myhmanlar we janköýerler üçin ähli zerur şertler döredildi. Ýokary okuw mekdepleriniň talyplarynyň 500-e golaýynyň meýletinçileriň hatarynda hereket etmegi bu halkara çäresiniň has guramaçylykly geçirilmeginde ähmiýetlidir. Şol bir wagtyň özünde-de talyplaryň halkara tejribe toplamagyna giň mümkinçilik berýär.

Dünýä çempionatynyň geçirilişini giňden beýan etmek üçin türkmen, iňlis we rus dillerindäki web-saýtlar döredildi. Mundan başga-da, ýaryş baradaky maglumatlar «Euronews» teleýaýlymynda we dünýäniň 145 döwletiniň teleýaýlymlary arkaly ýaýradylýar.

Bu çempionatda dünýä rekordlarynyň onlarçasy täzelenildi. Aşgabatdaky dünýä çempionaty her geçen gün täze rekordlar bilen begendirmegini dowam etdirýär.

13 Noý
Türkmeniň hasyl toýy

1 million 50 müň tonnadan gowrak “ak altyn” ýygnan türkmen pagtaçylary bereketli noýabrda pagta taýýarlamak baradaky şertnamalaýyn borçnamalaryny üstünlikli ýerine ýetirdiler. Şeýlelikde, olar halkymy...

29 Okt
Uçastok saýlaw toparlary döredilýär

Häzirki döwürde ýurdumyzyň welaýatlarynda we Aşgabat şäherinde etrap, şäher saýlaw toparlary tarapyndan uçastok saýlaw toparlarynyň agzalaryny täze möhlete saýlamak işleri guramaçylykly dowam etdirilý...

18 Okt
Dünýä ýaň salan geňeşiň mejlisi

2019-njy ýylyň 11-nji oktýabrynda hormatly Prezidentimiz Gurbanguly Berdimuhamedowyň başlyklygynda Aşgabatda “Oguzkent” myhmanhanasynda Garaşsyz Döwletleriň Arkalaşygynyň döwlet Baştutanlarynyň geňeşi...

09 Okt
Uçastok saýlaw toparlary täzeden döredilýär

Türkmenistanyň Saýlaw kodeksine laýyklykda, 2014-nji ýylyň oktýabr aýynda döredilen uçastok saýlaw toparlarynyň bäş ýyllyk ygtyýarlyk möhletiniň tamamlanýandygy sebäpli, 2019-njy ýylyň oktýabr-noýabr...

03 Okt
2021-nji ýyl — Halkara parahatçylyk we ynanyşmak ýyly

Hormatly Prezidentimiziň öňe süren teklibi esasynda, şu ýylyň 12-nji sentýabrynda Birleşen Milletler Guramasynyň Baş Assambleýasynyň 73-nji sessiýasynyň 106-njy umumy mejlisinde «2021-nji ýyl — Halkar...

11 Sent
Sanlaşdyrmak boýunça halkara maslahaty

Türkmenistanyň Merkezi saýlaw toparynyň wekilleri 2019-njy ýylyň 6-8-nji sentýabry aralygynda Russiýa Federasiýasynyň Moskwa şäherinde geçirilen «Saýlaw işleriniň sanlaşdyrylmagy. Gumanitar ölçegler»...

16 Awg
Iň uly ekologiýa sapagy

Şu ýylyň 8-nji awgustynda Türkmenbaşy şäherinde Türkmenistanyň hökümetiniň guramagynda täsin ekologiýa sapagy geçirildi. Üç müň töweregi adamyň gatnaşmagynda geçirilen bu örän uly tutumly ekologiýa sa...

06 Awg
Birinji Hazar ykdysady forumy

Hormatly Prezidentimiziň başlangyjy esasynda 2019-njy ýylyň 11-12-nji awgustynda «Awaza» milli syýahatçylyk zolagynda birinji Hazar ykdysady forumy geçiriler. Bu  foruma daşary ýurtly hyzmatdaşlarymyz...