TÜRKMENISTANDA SAÝLAWLARY
WE SALA SALŞYKLARY GEÇIRMEK
BOÝUNÇA MERKEZI TOPAR

16 Ýan

Türkmenistanyň Prezidenti Balkan welaýatynyň saýlawçylary bilen duşuşdy

Hormatly Prezidentimiz Gurbanguly Berdimuhamedow Balkan welaýatyna iş saparynyň barşynda Garabogazda karbamid öndürjek zawodyň, Gyýanlyda gazhimiýa toplumynyň, Türkmenbaşy şäheriniň Halkara deňiz menziliniň gurluşykçylary bilen duşuşdy. Bu desgalaryň gurluşyk meýdançalaryndaky duşuşyga gatnaşyjylar12-nji fewralda geçiriljek saýlawlarda ýokary döwlet wezipesine dalaşgäre sowal bermäge mümkinçilik aldylar.

Hormatly Prezidentimiz Gurbanguly Berdimuhamedow özüniň saýlawlaryň öňüsyrasyndaky maksatnamalarynyň esasy ugurlaryny beýan etdi hem-de zähmetkeş toparyň agzalarynyň gyzyklandyrýan sowallaryna jogap berdi. Ol sowallar ykdysady mümkinçiliklere, Garabogaz şäheriniň durmuş-medeni ulgamynyň ösdürilmegine, Balkan welaýatynyň senagat taýdan ösüşiniň täze nokady bolan Gyýanly şäherçesine, häzir deňsiz-taýsyz taslamalar durmuşa geçirilýän deňizýaka sebitinde mundan beýläkki özgertmelere, sebitiň ilatynyň ýaşaýyş-durmuş şertleriniň gowulandyrylmagyna hem-de ýurdumyzyň ähli künjeginden bu ýere işlemäge gelýän ýäş hünärmenleriň geljegine degişli boldy.Şol hünärmenleriň köpüsi düýpli ornaşmagy isleýärler. Şeýle hem ýakyn geljekde ýene nirelerde iri senagat önümçilikleriniň dörediljekdigi hem-de şäher dörediji taslamalaryň durmuşa geçiriljekdigi barada sowal berildi.

Hormatly Prezidentimiz Gurbanguly Berdimuhamedow sowallara jogap berip, ýurdumyzda soňky ýyllarda gurlan we gurulýan senagat desgalarynyň mynasyp iş şertlerini hem-de zähmet haklaryny teklip edýändigini aýtdy.Bu bolsa tehnologik ulgama zähmet serişdelerini çekmäge, sebitleriň innowasion-ykdysady kuwwatyny artdyrmaga kömek edýär.

Täze senagat merkezleriniň ähli sebitlerde dörediljekdigi barada aýdyp, döwlet Baştutanymyz iň häzirki zaman tehnologiýalara, innowasion pikirlenişe erk edýän işgärleriň we hünärmenleriň täze neslini kemala getirmegiň wajypdygyna bu ýere ýygnananlaryň ünsüni çekdi.

Döwlet Baştutanymyz şeýle hem saýlawlaryň öňüsyrasyndaky maksatnamasynda bellenilen beýleki wezipeler barada gürrüň berip, onda raýatlaryň durmuş taýdan goraglylygyna, ýaşlaryň ýokary hilli bilim almaklaryna şertleriň döredilmegine, ýaşaýyş jaýlaryň gurluşygyna hem-de her maşgalanyň durmuş meseleleriniň çözülmegine, enäniň we çaganyň saglygynyň goralmagyna aýratyn üns berlendigini belledi.

Biziň baş maksadymyz Türkmenistan döwletini gülledip ösdürmekden, halkymyzyň parahat we abadan durmuşyny üpjün etmek boýunça çäreleri ýerine ýetirmekden ybaratdyr diýip, döwlet Baştutanymyz aýtdy. Ýurdumyzy senagat taýdan ösdürmegiň täze ugurlaryna laýyklykda, dürli çig mallary toplumlaýyn gaýtadan işlemek boýunça ykdysady ösüşiň berk binýadynyň döredilmegine ýardam berýän, sarp ediş bazarynda haryt bolçulygyny üpjün edýän, ilatyň iş bilen üpjünçiligini artdyrýan we eksport kuwwaty ýokarlandyrýan birnäçe täze iri kärhanalar ulanmaga tabşyryldy.

Adaty bolmadyk we mähirli ýagdaýda geçen duşuşyklarda senagat strategiýasynyň ileri tutulýan ugurlary, ekologiýa syýasaty we Türkmenistanyň halkara hyzmatdaşlygy barada-da gürrüň edildi.

13 Okt
«Merkezi Aziýa — Russiýa» ikinji sammiti we GDA-nyň döwlet Baştutanlarynyň Geňeşiniň mejlisi geçirildi

Bilşimiz ýaly, 2025-nji ýylyň 9-10-njy oktýabrynda hormatly Prezidentimiz Serdar Berdimuhamedow dostlukly ýurt bolan Täjigistan Respublikasyna iş saparyny amala aşyrdy. Arkadagly Gahryman Serdarymyz T...

08 Okt
Türki Döwletleriň Guramasynyň döwlet Baştutanlarynyň XII sammiti geçirildi

Bilşimiz ýaly, 2025-nji ýy­lyň 7-nji okt­ýabrynda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Prezident Ilham Aliýewiň çakylygy boýunça goňşy ýurt...

25 Sent
Türkmenistan – Birleşen Milletler Guramasy: parahatçylyga gönükdirilen hoşniýetli hyzmatdaşlyk

Parahatçylyk söýüjilik, oňyn Bitaraplyk, giň halkara hyzmatdaşlyk ýörelgelerine esaslanýan daşary syýasaty işjeň durmuşa geçirýän Türkmenistan abraýly halkara guramalaryň çäklerinde hem netijeli gatna...

18 Sent
ÝHHG-niň wekiliýeti bilen duşuşyk geçirildi

Ýewropada Howpsuzlyk we Hyzmatdaşlyk Guramasynyň (ÝHHG) Demokratik institutlar we adam hukuklary baradaky býurosynyň wekiliýeti 2025-nji ýylyň 14–18-nji sentýabry aralygynda paýtagtymyzda saparda bold...

09 Sent
Täze çüýşe önümlerini öndürýän önümhana işe girizildi

Berkarar döwletiň täze eýýamynyň Galkynyşy döwründe ýurdumyzy senagatlaşdyrmak, ýerli çig malyň esasynda öndürilýän önümçilikleriň gerimini giňeltmek Gahryman Arkadagymyz tarapyndan başy başlanyp, häz...

04 Sent
Türkmenistan—Hytaý: dostlukly gatnaşyklar ösdürilýär

Mälim bolşy ýaly, 2025-nji ýylyň 31-nji awgusty 3-nji sentýabry aralygynda hormatly Prezidentimiz Serdar Berdimuhamedow dostlukly ýurt bolan Hytaý Halk Respublikasyna iş saparyny amala aşyrdy. Hormatl...

03 Sent
Ýurdumyzda täze bilim ojagy açyldy

Bilşimiz ýaly, 2025-nji ýylyň 1-nji sentýabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň gatnaşmagynda paýtagtymyzda Halkara senagatçylar we t...

28 Awg
BMG-niň Baş sekretarynyň hoşallyk haty

Birleşen Milletler Guramasynyň Baş sekretary Antoniu Guterrişden Türkmenistanyň Prezidenti Serdar Berdimuhamedowyň adyna hat gelip gowuşdy. Beýan edilişi ýaly, Antoniu Guterriş hatynda şu ýylyň 5 – 8-...